Tlen sempouali uan makuili, sempouali uan chiknaui uan sempouali uan matlaktli tonali tlen agosto metstli, ijkenopa tlen eyi uan naui tonali tlen septiembre metstli, mochijki ne Tlatsintokalistli Kuatitlanmaseualtlajtemolistli, tlen kampa moijtojki o mokajkej ika kamanalistli ika maseualmej tlen teuantlapaleuiyaj ika tlen sansejkotili mokalaktokej kuatitlanmaseualmej tlen ualouij ika ne maseualchinankomej tlen itstokej ipan ni Nuevo León tlatilantli, ika tlen inintlanechikoljuaj teyekananij, tlen kampa itlamatilis ya kiselisej inintlatoltilistli, kitalistli uan mochiualistli tlen ipan sejse tlamantli tlen moitas kampa ne tlajtemolistli. Nojkia, ipan chikome tonali tlen septiembre metstli, mochijki ne Tlatolsansejkotili tlen Tlamilistli, tlen katlia tenextilkej o temaktilkej se kentsi tlakuiloli tlen tsontlamiltilistli Tlatsintokalistli Tlajtemolistli uan mokuajkualchitiajki ne Tlayekanali Nemilistli, katlia teuantijki ika maseualmej tlen kintlapejpenijkej ipan sejse tlen ne Tlatsintokalistli Tlajtemolistli, ijkenopa ika se tlen ne Consejero Electoral de la CEENL (Tetlaijilketl Tejkouatlapejpenili tlen ne Tlayekanali Tlatilantli Tejkouatlapejpenili tlen Nuevo León), se tlayekanketl tlen ne INPI (Itekpan Mexkotlali tlen Maseualchinankomej) uan se tlayekanketl tlen ne Comisión Estatal de Derechos Humanos de Nuevo León (Tlayekanali Tlatilantli Tlapaleuiltlanauatili Maseualmej tlen Nuevo León).
